Leonard Craig Randall II ukinira APR BBC yahembwe nk’umukinnyi mwiza (MVP) wa Shampiyona y’u Rwanda nyuma yo gufasha ikipe ye kwegukana igikombe cya Shampiyona y’u Rwanda itsinze Patriots BBC imikino 4-0 ariko ibindi bihembo byiharirwa na Patriots BBC.

Ikipe ya REG ya basketball y'abagore yateye intambwe igana ku gikombe cya Shampiyona nyuma yo gutsinda The Hoops Rwanda amanota 93-58 mu mukino wa gatatu w'imikino ya nyuma ya kamarampaka, Cheetah Energy RBL Playoffs.

Ikipe ya APR BBC yatsinze Patriots BBC amanota 114-76, biyiha kwegukana igikombe cya Shampiyona y'u Rwanda ku nshuro ya 4 yikurikiranya nyuma yo gutsinda imikino 4-0.

Ikipe y'Igihugu y'u Rwanda ya volleyball mu bagore yisanze mu yisanze rya kane (D) hamwe na Algeria, Repubulika Iharanira Demokarasi ya Congo n'u Burundi mu gikombe cy'Afurika kigiye kubera Nairobi muri Kenya.

Ikipe ya Commercial Bank of Ethiopia (CBE) yatsinzwe na Kawempe Muslim Ladies igitego 1-0 naho Simba Queens itsindwa na Kenya Police Bullets WFC ibitego 2-1 muri CECAFA y’abagore yo gushaka itike ya CAF Women’s Champions League.

U Rwanda ruzahagararirwa n’abakinnyi 7 bakina imikino itandukanye mu mikino ya ANOCA Zone 5 Youth Games igiye kubera muri Kaminuza yitiriwe Kenyatta (Kenyatta University) i Nairobi muri Kenya kuva tariki 24 Kanama kugeza tariki 28 Kanama 2026.

Rutahizamu w'umanyarwanda Mbonyumwami Taiba yatangajwe nk'umukinnyi mushya w'ikipe ya Ethiopian Coffee SC yo muri Ethiopia nyuma yo gutandukana na Marine FC yakiniraga.

Rwanda Premier League ifite mu nshingano Shampiyona y’u Rwanda, BK Pro League, yatangaje ko mu gihe ikipe yo muri Sudani yakwegukana igikombe cya Shampiyona izahabwa igikombe cy’icyubahiro (Honorary trophy) hanyuma igikombe cya Shampiyona kikazahabwa ikipe ifite amanota menshi mu makipe yo mu Rwanda.