Kuri uyu wa Kane, umugaba mukuru w’ingabo z’u Rwanda (RDF), Gen MK Mubarakh, yayoboye umuhango wo gusoza amasomo y’abofisiye 74 bo mu Ngabo na Polisi by’u Rwanda, ndetse n’Urwego rw’Igihugu rushinzwe igorora (RCS), barangije neza amasomo yamaze ibyumweru 22.
Ni amasomo y’ Icyiciro cya 26 ajyanye no kuyobora abasirikare n’ imirimo bijyana, akorwa na Ofisiye bakuru yabereye mu ishuri rikuru rya gisirikare i Nyakinama mu karere ka Musanze.
Gen.Mubarakh ahemba umunyeshuri witwaye neza kurusha abandi mu masomo
Muri abo bayarangije harimo abasirikare b’abagore batanu. Aya masomo yafashije abasirikare bayakurikiye kunguka ubumenyi bwo kuyobora ibikorwa bya gisirikare kugeza ku rwego rwa Brigade, ndetse no gukora neza imirimo y’ubuyobozi n’igenamigambi rya gisirikare
