Habumugisha Dieudonne w’ikipe y’Igihugu y’u Rwanda y’ingimbi zitarengeje imyaka 20 yahize abandi bakinnyi mu gikombe cya Afurika cya handball cy’abatarengeje imyaka 20 cyaberaga muri Côte d'Ivoire nk’uwatanza imipira myinshi yavuyemo ibitego.

Mu mpera z’icyumweru gishize Shampiyona y’u Rwanda, BK Pro League yarakomeje hakinwa imikino 4 y’umunsi wa 2.

Police y’abagabo yatangaje ko yasinyishije Ganza Nolan Enzo ukina asaranganya imipira (Setter), naho iy’abagore isinyisha abakinnyi babiri bashya aribo Uzamukunda Fillette ukina nka libero na Rosaly Galdino Pereira Egwuatu Chioma ukina yataka (Outside hitter).

Amakipe yo muri Sudan ariko akina Shampiyona y’u Rwanda, BK Pro League, ya Al Hilal SC Omdurman na Al Merrikh SC yitwaye neza akomeza mu ijonjora rya kabiri rya CAF Champions League.

Ikipe ya Rayon Sports yasezereye Panthère Sportive du Ndé FC yo muri Cameroon mu ijonjora ry’ibanze rya CAF Confederation Cup nyuma y’uko amakipe anganyije igitego 1-1 mu mikino ibiri, Rayon Sports igakomeza kubera igitego yatsindiye hanze.

APR FC yasezereye FC Les Aigles du Congo mu ijonjora ry'ibanze rya CAF Champions League nyuma yo kuyitsinda ku giteranyo cy'ibitego 3-1.

Umukinnyi wa Rayon Sports ukina mu kibuga hagati, Issa Djiguiba yahamagawe mu ikipe y’igihugu ya Mali yitegura imikino ibiri (2) yo gushaka itike y’igikombe cya Afurika izahuramo na Cape Verde na Liberia, ndetse n’umukino wa gicuti izahuramo na Tunisia.

Ikipe ya Aigle Noir SC yo mu Burundi yatangiye urugendo rugana i Kigali gukina umukino wo kwishyura na Al Hilal SC Omdurman mu ijonjora ry’ibanze rya CAF Champions League.

Umutoza w’ikipe y’Igihugu y’u Rwanda ya volleyball mu bagabo, Frédéric Guérin, yasezereye Matheus Bettim, Rwanyonga Alex, Irakoze Alain na Ganza Nolan Enzo mu mwiherero w’abakinnyi biteguraga igikombe cya Afurika kizabera muri Tunisia kuva tariki 13 Nzeri kugeza tariki 25 Nzeri 2026.