Umuyobozi Mukuru w’Urwego rw’Ubwiteganyirize mu Rwanda, RSSB, Regis Rugemanshuro, yavuze ko ikipe y’iki kigo ya RSSB Tigers izajya muri 2026 FIBA Intercontinental Cup itagiye kwitabira gutyo gusa ahubwo izaba igihe gutsinda ngo itware igikombe.

Ikipe ya Rayon Sports y’abagore ishobora kuzakina irushanwa rihuza amakipe yabaye aya mbere iwayo muri Afurika, CAF Women’s Champions League, n’ubwo yasezerewe itarenze amatsinda mu gushaka itike mu karere k’Afurika y’Iburasirazuba no Hagati, CECAFA.Kuba Rayon Sports ishobora kuzakina CAF Women’s Champions League bije nyuma y’uko hari amakuru avuga ko Impuzamashyirahamwe y’Umupira w’Amaguru muri Afurika, CAF, yasabye u Rwanda ko rwazakira iri rushanwa.

Minisitiri w'Ububanyi n'Amahanga n'Ubutwererane w’u Rwanda, Olivier Nduhungirehe, yagaragaje ko yishimiye intsinzi y’ikipe y’Igihugu y’u Rwanda ya volleyball mu bagore yageze muri 1/2 cy’igikombe cy’Afurika nyuma yo gutsinda Ghana amaseti 3-1 (25-17, 24-26, 25-19, 25-18).

Ikipe y’Igihugu y’u Rwanda ya Volleyball mu bagore yakatishije itike ya 1/2 cy’irangiza cy’igikombe cy’Afurika kiri kubera Nairobi muri Kenya nyuma yo gutsinda Ghana amaseti 3-1.

Rutahizamu w’imyaka 24 ukinira ikipe y’Igihugu y’u Rwanda ‘Amavubi’, Noam Fritz Emeran, yatandakunye n’ikipe ya Groningen FC yakiniraga, ikina icyiciro cya mbere mu Buholandi.

Kuri uyu wa Mbere tariki 31 Kanama 2026 nibwo irushanwa rihuza amakipe yabaye aya mbere iwayo muri Afurika y’Iburasirazuba no Hagati (CECAFA), yishakamo ikipe izahagararira aka karere mu mikino Nyafurika ihuza amakipe yabaye aya mbere iwayo (CAF Women’s Champions League) yashyizweho akadomo.

Ikipe igizwe na Gatsinzi Venuste usanzwe akinira Gisagara VC na Niyonkuru Gloire usanzwe akinira Police VC yegukanye irushanwa rya Mamba Open Beach Tournament 2026 itsinze amaseti 2-0 ikipe ya Nzirimo Mandela usanzwe akinira EAUR VC na Munezero Cedrick usanzwe akinira APR VC.

Rwanda Premier League ifite Shampiyona y’u Rwanda y’icyiciro cya mbere mu mupira w’amaguru mu Rwanda, BK Pro League, yatangaje ko amafaranga yahabwaga abasifuzi yiyongereyeho ibihumbi 30 Frw (30,000 Frw) bisanga ibuhumbi 100 Frw (100,000 Frw) bari basanzwe bahabwa n’Ishyirahamwe ry’Umupira w’Amaguru mu Rwanda, FERWAFA, nyuma ya buri mukino.