Umutoza Frédéric Guérin w'amakipe y'Igihugu y'u Rwanda ya volleyball yatangiye gusezerera abakinnyi mu mwiherero wo gutegura Igikombe cy'Afurika cya 2026 aho yasezereye abakinnyi 4 mu bagore n'abakinnyi 3 mu bagabo.

Ikipe ya APR VC yamaze gusinyisha abakinnyi Dusenge Wicklif ukina wataka wavuye muri Kepler VC na Manzi Sadulu ukina nka libero wavuye muri Police VC, buri wese asinya amasezerano y'imyaka ibiri muri iyi kipe y'Ingabo z'u Rwanda.

Ikipe y'Igihugu y'u Rwanda y'abatarengeje imyaka 18 mu ngimbi ikomeje imyitozo nyuma yo kugera i Abidjan muri Côte d'Ivoire aho yitabiriye imikino y'Igikombe cy'Afurika, FIBA U18 AfroBasket 2026, gitangira kuri uyu wa Gatatu tariki 5 Kanama kikazarangira tariki 16 Kanama 2026.

Ikipe y'Igihugu y'u Rwanda yo gusiganwa mu misozi (Mountain Bike) yerekeje muri Cameroon aho yitabiriye isiganwa rya Grand Prix International Chantal Biya rizakinwa mu minsi ibiri tariki 7-8 Kanama 2026.

Umunyarwanda ukina mu kibuga hagati, Mugisha Bonheur 'Casemiro' uherutse gusinyira ikipe ya Al-Hazem Saudi Club yo muri Saudi Arabia, yakinnye umukino we wa mbere muri iyi kipe yo muri Saudi Arabia ndetse ari mu bakinnyi 11 babanje mu kibuga.

Ikipe ya Rayon Sports yageze ku mukino wa nyuma wa CECAFA Kagame Cup yaherukagaho mu 1998 nyuma yo gusezerera Jamus SC yo muri Sudani y’Epfo iyitsinze ibitego 3-1, ihasanga Gor Mahia FC yo muri Kenya.

Amakipe y'u Rwanda ya handball y'abatarengeje imyaka 18 na 20 (Youth na Junior) yamenye amatsinda arimo mu mikino y'Ibikombe bya Afurika aho ikipe ya U-18 yisanze mu itsinda C hamwe na Maroc na Libya naho U-20 yisanga mu itsinda A hamwe na Guinea, Zimbabwe na Côte d'Ivoire.

Ikipe ya Amagaju FC yo mu karere ka Nyamagabe yamaze gusinyisha umuzamu w'umugande Nicholas Ssebwato amasezerano y'umwaka umwe nyuma yo kurangiza amasezerano mu ikipe ya Mukura VS&L

Ikipe ya Gisagara VC yababariye umukinnyi wayo Muvara Ronard ukina hagati (Middle Blocker) waruherutse gufatirwa ibihano byo guhagarikwa amezi 3 adakina azira imyitwarire idahwitse yagaragaje mu irushanwa rya Volleyball ryo Kwibuka ku nshuro ya 32 Jenoside yakorewe Abatutsi mu 1994, Genocide Memorial Tournament 2026, ariko nyuma akandika asaba imbabazi.