Abaturage bavuga ko politiki yo kwegereza ubuyobozi n’ubushobozi abaturage yabahinduriye ubuzima, by’umwihariko mu kubona serivisi batagikora ingendo ndende nk’uko byahoze. Nubwo Minisiteri y’Ubutabera ivuga ko hari intambwe ishimishije imaze guterwa, haracyasabwa imbaraga mu gukemura ibitaranozwa.

Polisi y’u Rwanda ikorera mu Karere ka Gasabo mu Mirenge ya Kinyinya na Gikomero yatangaje ko yafashe abantu 10 bateka kanyanga ndetse n’abacuruza inzoga z’ibyuma ziri ku rutonde rw’ibinyobwa bitemewe gucururizwa mu Rwanda.

Akarere ka Musanze kagaragaje impinduka zikomeye mu iterambere kagezeho mu myaka utanu ishize, zirimo kwegereza amashanyarazi abaturage byazamutseho 47%, kubegereza amazi meza, kwikura mu bukene no kugabanya ubushomeri.

Kuva ku kudoda imipira, gukora ibyibo, gutunganya imisatsi kugeza ku buhinzi, abagororwa basigaje igihe gito ngo barangize ibihano byabo muri Rwamagana Rehabilitation Center bahabwa ubumenyi bugamije kubafasha gutangira ubuzima bushya.

Mu Karere ka Rwamagana umusore w’imyaka 20 yitabye Imana, abandi batatu bari kumwe barakomereka bikomeye nyuma y’uko ingunguru bakoreshaga mu guteka kanyanga ibaturikanye mu ishyamba.

Polisi y’u Rwanda yatangaje ko yafashe abantu batandatu bakekwaho gucuruza inzoga zitujuje ubuziranenge n’ikiyobyabwenge cy’urumogi mu gihe abandi babiri bagishakishwa.

Uruganda Inyange Industries rwatangaje ko izamuka ry’ibiciro by’amata yarwo rigaragara muri bamwe mu bacuruzi ntaho rihuriye n’impinduka nshya rwashyize ku giciro cy’ibicuruzwa byarwo.