Amakuru

Umunyamabanga Mukuru w’Umuryango Mpuzamahanga w’Ibihugu bikoresha Igifaransa (OIF), Louise Mushikiwabo, yasabye ko ishyirwa mu bikorwa ry’imishinga yatangijwe n’uyu muryango ryihutishwa, by’umwihariko iyibanda ku guteza imbere amahirwe yo kubona akazi ku rubyiruko.
Minisitiri w’Ububanyi n’Amahanga n’Ubutwererane, Amb. Olivier Nduhungirehe, yavuze ko nta gihugu na kimwe, uko cyaba gikize cyangwa gikomeye kose, gifite uburenganzira bwo gutegeka u Rwanda uko rugomba gufata ibyemezo, cyane cyane mu bijyanye no guhatanira kuyobora Umuryango w’Ibihugu bikoresha Igifaransa (OIF).
Guverinoma ya Repubulika Iharanira Demokarasi ya Congo (RDC) yatangaje ko yikuye mu rugamba rwo guhatanira kuyobora Umuryango w’Ibihugu bikoresha Igifaransa (OIF), ikuraho kandidatire ya Juliana Amato Lumumba, ishyigikira Umunya-Romania Dacian Cioloș wahoze ari Minisitiri w’Intebe w’icyo gihugu.
Umusesenguzi muri politiki, Christian Moleka, yavuze ko ingamba Repubulika Iharanira Demokarasi ya Congo (RDC) iri gukoresha mu guhatanira kuyobora Umuryango Mpuzamahanga w’Ibihugu bikoresha Igifaransa (OIF), zigaragaza ko Kinshasa isa n’ishyize imbere kurwanya u Rwanda kurusha gushyigikira umukandida wayo, Juliana Lumumba.
Ntarama Pig Farm yigishije ababyeyi bo mu Mudugudu wa Nyamabuye, mu Murenge wa Ntarama, Akarere ka Bugesera, uko bategura inyama z’ingurube bazivanga n’imboga kugira ngo babashe kuzikoresha mu mafunguro yuzuye afasha abana gukura neza, mu rwego rwo kurwanya imirire mibi n’igwingira.
Umunyamabanga Mukuru w’Umuryango Mpuzamahanga w’Ibihugu bikoresha Igifaransa (OIF), Louise Mushikiwabo, yavuze ko Francophonie ari urubuga rukomeye ruhuza ibihugu n’abaturage bafite imico n’amateka bitandukanye, rukabafasha gusangira ubumenyi, guteza imbere ubufatanye no kubaka amahoro.
Minisiteri y’Uburezi yatangije gahunda yo gutera ibiti birenga ibihumbi 202 by'imbuto ziribwa mu bigo bifite amashuri abanza hafi 5000 mu Gihugu hose, bigamije guteza imbere imirire myiza, kurengera no kwigisha abana uburyo bwo kubungabunga ibidukikije.
Umuhanzi The Ben yongeye guhesha u Rwanda ishema mu muziki nyafurika, nyuma yo kwegukana igihembo cy’umuhanzi mwiza muri Afurika y’Iburasirazuba (East Africa Best Artist) mu bihembo bya HiPipo Music Awards 2026.
Ikipe y'Igihugu y'u Rwanda 'Amavubi' yatsinzwe na Mali ibitego 3-2 mu mukino wa Gatatu mu Itsinda K mu yo gushaka itike y'Igikombe cya Afurika cya 2027.
Umujyi wa Kigali wongeye gufungura inyubako eshanu zari zarafunzwe kubera kutuzuza ibisabwa mu kwirinda inkongi z’umuriro, nyuma y’uko zishyize mu bikorwa amabwiriza yari yashyizweho.

Iyandikishe ku rutonde rw’abakira ubutumwa bwacu kugira ngo ubone amakuru mashya buri munsi mu buryo bw’ikoranabuhanga

Amakuru Aheruka