Ikipe ya Al Hilal SC Omdurman yo muri Sudani yasinyanye amasezerano n'Ishyirahamwe ry'Umupira w'Amaguru mu Rwanda, FERWAFA, n'Impuzamashyirahamwe y’Umupira w’Amaguru mu Karere ka Afurika y’Iburasirazuba n’iyo Hagati, CECAFA, ayigira umuterankunga mukuru w'irushanwa rya CECAFA Kagame Cup 2026.

Ishyirahamwe ry'Umukino wa Basketball mu Rwanda, FERWABA, ryafashe umwanzuro wo kubabarira abakinnyi Ntore Habimana na Axel Olenga Mpoyobombi bakinira APR BBC bari bahagaritswe umwaka batagaragara mu bikorwa bya basketball bazizwa kwanga kwitabira ubutumire bw'ikipe y'Igihugu y'u Rwanda yari yabahamagaye.

Ikipe ya APR FC yisanze mu itsinda A naho Rayon Sports yisanga mu itsinda C mu mikino ya CECAFA Kagame Cup 2026 izabera mu Rwanda muri Sitade Amahoro na Kigali Pele Stadium kuva tariki 24 Nyakanga 2026 kugeza tariki 8 Kanama 2026.

Ikipe ya Rayon Sports yatangaje ko yasinyishije umunya-Cameroon Dande Junior ukina mu izamu w'imyaka 28 wakiniraga ikipe ya Canon Sportif de Yaounde y'iwabo.

Kuri uyu wa Gatatu tariki 8 Nyakanga 2026, ishyirahamwe ry'umupira w'amaguru mu Rwanda, FERWAFA, ryashyize hanze ibiciro byo kwandikisha abakinnyi mu mwaka ugiye kuza wa 2026/27 ku makipe azakina Shampiyona y'icyiciro cya mbere mu Rwanda, BK Pro League.

Umutoza w'umunyarwanda Nshimiyimana Canisius yagizwe umutoza mukuru w'ikipe ya Amagaju FC yo mu karere ka Nyamagabe nyuma yo gutandukana na Mukura VS&L.

Ikipe ya APR FC yatangaje ko umutoza wayo Taleb Abderrahim yongereye amasezerano y'umwaka umwe ushobora no kongerwa bitewe n'uko azitwara muri uyu mwaka w'imikino ugiye kuza wa 2026-27.

Ikipe ya Etoile de l'Est FC yo mu karere ka Ngoma yatangaje umutoza Mbarushimana Shaban nk'umutoza wayo mushya mu gihe cy'imyaka ibiri iri imbere nyuma yo kuzamuka muri Shampiyona y'icyiciro cya mbere, BK Pro League.

Myugariro w'umunyarwanda Niyigena Clement wakiniraga APR FC biravugwa ko yamaze gusinyira ikipe ya  Smouha Sports Club yo mu Misiri amasezerano y'imyaka 2 ndetse akaba atangazwa mu minsi iri imbere.

Ikipe ya Rayon Sports yatangaje umukinnyi w'umurundi Muderi Akbar nk'umukinnyi wayo mushya, nyuma yo kurangiza amasezerano muri Gasogi United.