Kuri uyu wa Mbere ingabo z’u Rwanda ziri mu butumwa bwo kubungabunga amahoro muri Sudani y’Epfo (UNMISS), bafatanyije na bagenzi babo bakorera muri UNMISS Malakal, batanze serivisi z’ubuvuzi ku buntu ku baturage batuye mu gace ka Diel, mu nkengero z’umugezi wa Nili muri Leta ya Upper Nile.
Ikipe ya Tusker FC yo muri Kenya yasuye Urwibutso rwa Kigali ruherereye ku Gisozi ruruhukiyemo Abazize Jenoside yakorewe Abatutsi mu 1994 mu rwego rwo kubunamira.
Mu Rwanda hatangijwe ku mugaragaro Ishuri Nyafurika ry’Abagore mu buyobozi bwa politiki (African Academy for Women in Political Leadership), rije gukemura ikibazo cy’ubuke bw'abagore mu nzego zifata ibyemezo. Ryafunguriwe i Kigali kuri uyu wa Mbere tariki 3 Kanama 2026.
Ku wa Gatanu tariki ya 7 Kanama 2026, Abanyarwanda bazizihiza Umunsi Mukuru w’Umuganura, wizihizwa buri mwaka mu rwego rwo gusangira umusaruro, kwishimira ibyagezweho mu iyerambere no kubaka ubumwe.
Guverinoma y’u Rwanda yatangaje ko itazigera yemera ko umutwe wa FDLR uhabwa urubuga rwa politiki mu Rwanda, ivuga ko uyu mutwe ugomba kurambika intwaro, ugasenywa ndetse n’abawugize bagataha mu gihugu hakurikijwe ibikubiye mu masezerano y’amahoro yasinyiwe i Washington.
